- २९ असार २०८३, सोमबार / Jul 13, 2026
काठमाडौँ, १२ असार । देशभर मनसुनी वायुको प्रभाव कायम रहँदा गण्डकी, कर्णाली, लुम्बिनी र सुदूरपश्चिम प्रदेशमा भारीदेखि धेरै भारी वर्षाको सम्भावना रहेको मौसम पूर्वानुमान महाशाखाले जनाएको छ।
गण्डकी, कर्णाली र सुदूरपश्चिम प्रदेशका पहाडी भूभागका केही स्थानहरूमा हालै पनि हल्कादेखि मध्यम वर्षा भइरहेको छ भने दिउँसो र राति थप वर्षाको सम्भावना रहेको उल्लेख गरिएको छ। महाशाखाका अनुसार आज दिउँसो र राति देशभर आंशिकदेखि साधारणतया बदली रहनेछ। कोशी, बागमती, गण्डकी र सुदूरपश्चिम प्रदेशका उच्च पहाडी तथा हिमाली भूभागमा वर्षा र हिमपातको सम्भावना पनि रहेको छ।
यससँगै, कोशी प्रदेशको तराई भाग र मधेश प्रदेशका केही स्थानमा हावाहुरी चल्ने सम्भावना रहेकोले सतर्कता अपनाउन महाशाखाले आग्रह गरेको छ।
देशभरको विभिन्न भूभागमा मेघगर्जन, चट्याङ, वर्षा र हिमपातको सम्भावनालाई दृष्टिगत गर्दै मौसम महाशाखाले आवश्यक सावधानी अपनाउन आम नागरिक तथा सम्बन्धित निकायहरूलाई अनुरोध गरेको छ।
