- ११ जेष्ठ २०८३, सोमबार / May 25, 2026
काठमाण्डौ । चार हजार रुपैयाँ घुस लिने अमिन गोविन्द ढकालविरुद्ध अख्तियार दुरुपयोग अनुसन्धान आयोगले विशेष अदालत काठमाण्डौमा आरोपपत्र दायर गरेको छ । आयोगको बुटवल कार्यालयबाट खटिएको टोलीले अमिन गोविन्द ढकाललाई घुस रकमसहित पक्राउ गरेको हो ।
नापी कार्यालय नवलपरासी (बर्दघाट सुस्ता पश्चिम) मा अमिन पदमा कार्यरत ढकालले जग्गा नाँपजाँच गरी लालपुर्जा दिन सेवाग्राहीसँग चार हजार रुपैयाँ घुस लिएको पुष्टि भएपछि उनीविरुद्ध मुद्दा दर्ता गरेको हो । विशेष अदालत काठमाडौंमा ढकाल विरुद्ध मुद्दा दर्ता भएको अख्तियारले विज्ञप्ति निकालेर जानकारी दिएको छ ।
