- १८ कार्तिक २०८३, बुधबार / Nov 4, 2026
बर्दिया । आगो ताप्ने क्रममा बारबर्दिया नगरपालिका–३, मुन्न्नागौढीमा जलेर एक वृद्धको ज्यान गएको छ । आगो ताप्ने क्रममा स्थानीय ८० वर्षीय चेतानन्द शर्माको जलेर मृत्यु भएको जिल्ला प्रहरी कार्यालय वर्दियाले जनाएको छ ।
बिहीबार बेलुका आगोले पोलेर घाइते भएका उनको शुक्रबार उपचारकै क्रममा भेरी अस्पतालमा मृत्यु भएको हो । बर्दियामा जाडोयाम लागे यता आगो ताप्ने क्रममा जलेर आठ जनाको मृत्यु भइसकेको छ।
आगो ताप्ने क्रममा घाइते भएका शर्मालाई उपचारका लागि जिल्ला अस्पताल पुर्याइएको थियो। तर, गम्भीर घाइते उनको जिल्ला अस्पतालमा उपचार सम्भव नभएपछि नेपालगञ्जस्थित भेरी अस्पताल पुर्याइएको थियो।
