- २९ श्रावण २०८३, शुक्रबार / Aug 14, 2026
काठमाडौं, १२ जेठ । श्रम संस्कृति पार्टीका सांसद आर्यन राईले सहकारी ठगी प्रकरणसँग जोडिएका जीवी राई कहिले पक्राउ पर्ने हुन् भनेर सरकारसँग प्रश्न गरेका छन् ।
प्रतिनिधि सभाको मंगलबार बसेको बैठकको शून्य समयमा बोल्दै सांसद राईले सहकारी पीडितले न्याय र राहत पाउनुपर्ने आवश्यकता औँल्याए । तर पीडितलाई राहत दिने नाममा सरकारी ढुकुटी प्रयोग गर्न नहुने उनको धारणा थियो । उनले सहकारी ठगी प्रकरणमा संलग्न व्यक्तिमाथि प्रभावकारी कारबाही नहुँदा आम नागरिकमा निराशा बढिरहेको बताए ।
सांसद राईले संसदमा बोल्दै अन्य समसामयिक विषय पनि उठाएका थिए। उनले देशका विभिन्न क्षेत्रमा देखिएको ‘बाँदर आतंक’ नियन्त्रण कहिले हुने भन्दै सरकारको ध्यानाकर्षण गराए । त्यस्तै उनले सरकार संसदप्रति कहिले उत्तरदायी बन्ने हो भन्ने प्रश्नसमेत उठाएका छन्। सांसद राईले जनताका सरोकारका विषयमा सरकार गम्भीर बन्नुपर्ने आवश्यकता औँल्याए ।
