बाढी र पहिरोको क्षतिपछि माण्डु हाइड्रोपावरले पुनः विद्युत् उत्पादन सुरु

काठमाडौं, २६ साउन । गत असार ११ गते बागमती खोलामा आएको भीषण बाढी र पहिरोका कारण क्षतिग्रस्त माण्डु हाइड्रोपावरले फेरि उत्पादन सुरु गरेको छ ।

माण्डुका अध्यक्ष रविन्द्र लाल श्रेष्ठका अनुसार साउन १९ गतेदेखि पुनः विद्युत् उत्पादन थालिएको हो । माण्डुले प्रवर्द्धन गरेको २२ मेगावाट क्षमताको बागमती साना जलविद्युत् आयोजनामध्ये दुईमध्ये एक युनिट नेपाल विद्युत् प्राधिकरणका प्रतिनिधिहरूको उपस्थितिमा सञ्चालनमा ल्याई राष्ट्रिय प्रसारण लाइनमा जडान गरिएको श्रेष्ठले बताए ।