बागमती प्रदेशमा मन्त्रिपरिषद् विस्तार, यी हुन् नयाँ मन्त्री र उनीहरूको जिम्मेवारी

मकवानपुर, ३० साउन । बागमती प्रदेशमा मन्त्रिपरिषद् विस्तार गरिएको छ । मुख्यमन्त्री इन्द्रबहादुर बानियाँले शुक्रबार (३० साउन २०८२) नेपाली कांग्रेसबाट थप पाँच मन्त्री नियुक्त गर्दै आफ्नो नेतृत्वको मन्त्रिपरिषदलाई पूर्णता दिएका छन् ।

यसअघि बानियाँले आफूसहित नौ सदस्यीय मन्त्रिपरिषद गठन गरेका थिए, जसमा कांग्रेसका तीन र सत्ता साझेदार नेकपा एमालेका छ मन्त्री थिए । अब नयाँ मन्त्रीहरू थपिएपछि मन्त्रालयको कार्यविभाजन यसप्रकार छः 

मन्त्रिपरिषद् पुनर्गठन तथा कार्यविभाजन सूची

• इन्द्रबहादुर बानियाँ – मुख्यमन्त्री (मुख्यमन्त्री तथा मन्त्रिपरिषद्को कार्यालय)
• मधुसूधन पौडेल – कृषि तथा पशुपन्छी विकास मन्त्री
• शिवराज अधिकारी -आन्तरिक मामिला तथा कानुन मन्त्री
• किरण थापामगर – स्वास्थ्य मन्त्री
• उर्मिला नेपाल – युवा तथा खेलकुद मन्त्री
• कन्चन चन्द्र वादे – सामाजिक विकास मन्त्री
• डा. दिनेशचन्द्र देवकोटा – भौतिक पूर्वाधार विकास मन्त्री
• प्रभात तामाङ – आर्थिक मामिला तथा योजना मन्त्री
• भरतबहादुर केसी – वन तथा वातावरण मन्त्री
• सुरेश श्रेष्ठ – संस्कृति तथा पर्यटन मन्त्री
• जयराम थापा – श्रम, रोजगार तथा यातायात मन्त्री
• कृष्णकुमार तामाङ – खानेपानी, ऊर्जा तथा सिँचाइ मन्त्री
• विन्दु श्रेष्ठ – उद्योग, वाणिज्य, भूमि तथा प्रशासन मन्त्री
• विनु रायमाझी पौडेल – सहकारी तथा गरिबी निवारण मन्त्री