बाजुरामा चितुवाको आक्रमणबाट ८ वर्षीय बालकको मृत्यु, आँगनमै खेलिरहेका थिए बालक

धनगढी, १८ चैत  । बाजुराको खप्तड छेडेदह गाउँपालिका–३, धुर्तोलामा चितुवाको आक्रमणबाट ८ वर्षीय बालक विजय रावतको मृत्यु भएको छ। आइतबार साँझ घर नजिकै आँगनमा खेलिरहेका बेला चितुवाले आक्रमण गरेको जिल्ला प्रहरी कार्यालयका प्रहरी निरीक्षक देवबहादुर चौधरीले बताए। घटनास्थलमै बालकको ज्यान गएको प्रहरीले पुष्टि गरेको छ।

मृतकको शव पोष्टमार्टमका लागि जिल्ला अस्पताल बाजुरा ल्याइएको छ। घटनाले स्थानीयमा त्रास फैलिएको छ। प्रहरी र वन विभागको टोली घटनास्थलमा पुगेर अनुसन्धान गरिरहेको छ।