- ११ बैशाख २०८३, शुक्रबार / Apr 24, 2026
काठमाडौं, १४ भदौ । काठमाडौं महानगरपालिकाका मेयर बालेन साहले प्रधानमन्त्री केपी शर्मा ओलीलाई लिपुलेक नेपालको भूमि भएको कुरा चीनलाई सम्झाउन आग्रह गरेका छन् । प्रधानमन्त्री ओली चीन भ्रमणका लागि प्रस्थान गरेलगत्तै मेयर साहले भारत–चीन सहमतिप्रति आपत्ति जनाउँदै चीनलाई यसबारे स्पष्ट रूपमा कुरा राख्न आग्रह गरेका हुन् ।
सामाजिक सञ्जालमार्फत प्रधानमन्त्रीलाई शुभकामना दिँदै बालेनले भनेका छन्, “चीन भ्रमणको शुभकामना प्रधानमन्त्रीज्यू । नेपालको लिपुलेक नाकाबाट व्यापार पुनः सञ्चालन गर्ने भारत–चीनको सहमतिले हाम्रो सार्वभौमिकतामाथि अतिक्रमण गरेको छ । त्यो हाम्रो नै हो भन्ने कुरा चीनलाई सम्झाउन नबिर्सनु होला ।”
बालेनले प्रधानमन्त्रीप्रति विश्वास व्यक्त गर्दै लेखेका छन्, “हामीलाई तपाईं माथि पूर्ण विश्वास छ ।”
मेयर बालेनले चीन भ्रमणको अवसरमा प्रधानमन्त्री ओलीले नेपालको भूस्वाधीनताको मुद्दा उठाउनुपर्ने आवश्यकतामा जोड दिएका छन् ।
