आज यी स्थानमा वर्षा हुने

काठमाडौं । न्यून चापीय प्रणालीको समेत प्रभाव रहेको जनाउँदै जल तथा मौसम विज्ञान विभागले अहिले देशभर आंशिक बदली रहेको तथा गण्डकी बागमती र सुदूरपश्चिम प्रदेशका एक–दुई स्थानमा हल्का वर्षा भइरहेको जनाएको छ ।

आज दिउँसो देशभर आंशिक बदली हुनेछ । पहाडी भेगका केही स्थानमा मेघगर्जन,चट्याङ र हुरीसहित वर्षाको सम्भावना छ । तराईका केही स्थानमा मेघगर्जन र चट्याङसहित वर्षाको सम्भावना छ । पहाडी तथा हिमाली भागका केही स्थानमा हल्का हिमपातको सम्भावना छ ।

कोशी, मधेस, बागमती, गण्डकी र लुम्बिनी प्रदेशका केही स्थानका साथै बाँकी प्रदेशका पहाडी भागका एक–दुई स्थानमा मेघगर्जन,चट्याङ र हुरीसहित हल्कादेखि मध्यम वर्षाको सम्भावना रहेको विभागले बताएको छ ।