यात्रुबाहक बस दुर्घटना हुँदा दक्षिण पेरुमा १० जनाको मृत्यु

एजेन्सी । यात्रुबाहक बस दुर्घटना हुँदा १० जनाको मृत्यु भएको भएको छ । दक्षिणी पेरुको पुनो क्षेत्रमा भएको बस दुर्घटनामा १० जनाको मृत्यु भएको स्थानीय सञ्चारमाध्यमले जनाएका छन्।

पुनो राजमार्ग प्रहरीका प्रमुख डेभिड सोटा परेडेसले रेडियो प्रोग्रामासलाई बसमा २४ जना यात्रुसहित कस्को सहरतर्फ गइरहेको बताए । पीडितमध्ये छ महिनाको बच्चा पनि रहेको राष्ट्रिय प्रहरीले उद्धृत गरेको छ।

राज्य सञ्चालित टिभी पेरु नोटिसियाले केही गम्भीरसहित घाइतेहरूलाई सान जुआन डे डिओस अयाभिरी अस्पताल र सान्ता रोजा जिल्लाको क्लिनिकमा उपचारका लागि लगिएको जानकारी गराएको छ।

दुर्घटनाको कारण पत्ता लगाउन अनुसन्धान भइरहेको छ। ट्रान्सपोर्टेस टुरिज्मो युनिभर्सल नामक कम्पनीद्वारा सञ्चालित अन्तरप्रदेशीय बस पुनो–कुस्को मार्गमा जाँदै गर्दा दुर्घटना भएको हो ।