- ३१ असार २०८३, बुधबार / Jul 15, 2026
वासिङटन । जलवायु परिवर्तनको प्रभावका कारण खतरामा रहेका मुलुकहरूको समूह भी २० को मन्त्रीस्तरीय बैठकलाई अर्थमन्त्री वर्षमान पुन अनन्तले सम्बोधन गरेका छन् । विश्व बैंक समूह र अन्तर्राष्ट्रिय मुद्रा कोषको वसन्तकालीन संयुक्त बैठकमा सहभागी हुन अमेरिका पुगेका पुनले वासिङटनमा आयोजित १२औं मन्त्रीस्तरीय बैठकलाई सम्बोधन गरेका हुन् ।
बैठकलाई सम्बोधन गर्दै जलवायु परिवर्तनको उच्च जोखिममा रहेका नेपालसहित विकासोन्मुख मुलुकले सामना गरिरहेको समस्याबारे पुनले विश्व समुदाय समयमै सचेत र गम्भीर हुनुपर्ने बताए । जलवायु परिवर्तनको जोखिमबाट बच्न विश्वस्तरमै सामूहिक प्रतिबद्धताको खाँचो रहेको भन्दै जलवायु परिवर्तनको प्रभावका कारण नेपालमा खास गरी गरिब र सीमान्तकृत वर्गका मानिसहरु प्रताडित हुने गरेको धारणा राखे ।
नेपाल जलवायुको उच्च जोखिम हुनुमा आफूहरुको योगदान नरहेको स्पष्ट पारे । गत वर्ष दुबईमा सम्पन्न संयुक्त राष्ट्रसंघको जलवायु परिवर्तनसम्बन्धी सम्मेलन (कोप) २८० लाई सम्बोधन गर्दै प्रधानमन्त्री पुष्पकमल दाहाल प्रचण्डले नेपालको भूमिका शून्य भए पनि जलवायु परिवर्तनको प्रभावबाट उच्च जोखिममा परेको विषयमा विश्व समुदायको ध्यानाकर्षण गराएको स्मरण गरे ।
