पश्चिमी, स्थानीय र मनसुनी वायुको प्रभाव : आज कोशी, गण्डकी, कर्णाली र सुदूरपश्चिममा वर्षा र हिमपातको सम्भावना

काठमाडौँ, २० जेठ । हाल देशको पश्चिम र मध्य भूभागमा पश्चिमी वायु तथा स्थानीय वायुको प्रभाव रहेको छ भने कोशी प्रदेशमा मनसुनी वायु सक्रिय छ। यसको कारणले देशका विभिन्न भागमा बदलीसहित हल्कादेखि मध्यम वर्षा हुने सम्भावना रहेको मौसम पूर्वानुमान महाशाखाले जनाएको छ।

कोशी, गण्डकी, लुम्बिनी, कर्णाली र सुदूरपश्चिम प्रदेशका पहाडी तथा उच्च हिमाली क्षेत्रमा चट्याङसहित वर्षा र हिमपातको सम्भावना रहेको छ। यसले दैनिक जनजीवन, कृषि, स्वास्थ्य तथा यातायात क्षेत्रमा असर पार्न सक्ने भएकाले सतर्कता अपनाउन अनुरोध गरिएको छ।