- ३१ भाद्र २०८३, बुधबार / Sep 16, 2026
भदौं २४ को विध्वंसमा ७६ जनापक्राउ
आगजनी, तोडफोड, ज्यान हत्या र आतंक फैलाउने व्यक्तिहरू समावेश
प्रहरी हत्या घटनामा ९ जनामध्ये ४ जना थुनामा, ५ जना हिरासतमा
कारागारबाट भागेका १३२ केदीबन्दी पक्राउ
हराएका हतियारमध्ये केही बरामद
अदालतको आदेशमा पक्राउ परेकालाई थुनामा पठाइयो
काठमाडौं, ७ कार्तिक । नेपाल प्रहरीले भदौं २४ गते भएको विध्वंसमा संलग्न ७६ जनालाई पक्राउ गरेको छ। जेन–जी आन्दोलनपछि उत्पन्न परिस्थितिमा तीन प्रहरीको हत्या, हतियार लुटपाट, तोडफोड र नक्कली हतियार देखाएर आतंक मच्चाउने व्यक्तिहरूलाई अनुसन्धान गरी पक्राउ गरिएको हो।
प्रहरीका अनुसार, आगजनी, तोडफोड र आपराधिक उपद्रवमा संलग्न ६३ जना, ज्यान मार्ने उद्योगमा संलग्न १ जना, र अभद्र व्यवहारमा संलग्न ३ जना पक्राउ परेका छन्। जिल्ला प्रहरी परिसर, काठमाडौंका प्रमुख एसएसपी रमेश थापाका अनुसार, प्रहरी हत्या घटनामा संलग्न ९ जनामध्ये ४ जना पुर्पक्षका लागि थुनामा पठाइएका छन्।
बाँकी ५ जनालाई हिरासतमा राखेर थप अनुसन्धान जारी रहेको छ। प्रहरीले कारागारबाट भागेका १३२ केदीबन्दीलाई पनि पक्राउ गरेको र २४ गतेको घटनापछि हराएका हतियारमध्ये केही बरामद भएको जनाएको छ।
जिल्ला सरकारी वकिलको कार्यालयले दायर गरेको मुद्दाका आधारमा अदालतले पक्राउ परेकालाई थुनामा पठाउने आदेश दिएको थियो।
