नवौं भक्तपुर महोत्सव: आज ज्योति मगरसहितका कलाकारहरूको सांगीतिक प्रस्तुति

भक्तपुर, २ बैशाख । नयाँ वर्ष २०८२ को अवसरमा भक्तपुरको सल्लाघारीमा नवौं ‘भक्तपुर औद्योगिक, सांस्कृतिक, पर्यटन, कृषि तथा व्यापार महोत्सव–२०८१/८२’ भव्य रूपमा जारी छ। भक्तपुरलाई ‘उद्योग, संस्कृति र कृषि’ को संगमका रूपमा स्थापित गर्ने लक्ष्यका साथ औद्योगिक शान्ति नेपाल संस्था र मध्यपुर ब्वाइज ब्याण्डले यो महोत्सव आयोजना गरेका हुन्।

आज महोत्सवमा चर्चित कलाकारहरू ज्योति मगर,  मत ढले ढलेकि गायिका शान्तारानी परियार, दिनेश काफ्ले, मदन विष्ट, र सूर्यमणी आचार्यले सांगीतिक प्रस्तुति दिने छन्। साथै, खुल्ला नृत्य र स्थानीय कलाकारहरूको विशेष प्रस्तुतिले कार्यक्रमलाई थप रमाइलो बनाउने छ।

महोत्सवमा उपलब्ध सामग्रीहरूमा २० देखि ५० प्रतिशतसम्मको आकर्षक छुट प्रदान गरिएको छ। प्रवेश टिकट शुल्क रु. ८० र रु. ५० निर्धारण गरिएको छ।