भक्तपुर नगरपालिकाद्वारा राष्ट्रिय परिचयपत्र वितरण सुरु

भक्तपुर । भक्तपुर नगरपालिकाले विहीबारबाट राष्ट्रिय परिचयपत्र वितरण सुरु गरेको छ । भक्तपुर नगरपालिकाका प्रमुख सुनिल प्रजापतिलाई सबैभन्दा पहिलो आज राष्ट्रिय परिचय पत्र प्रदान गरेर परिचयपत्र वितरणको शुभारम्भ भएको हो ।

ज्येष्ठ नागरिकको हकमा उल्लिखित कागजातका साथै निजको संरक्षक अनिवार्य रुपमा उपस्थित हुनुपर्नेछ । राष्ट्रिय परिचयपत्र लिन आउँदा सेवाग्राहीले फोटो खिचाउँदा प्राप्त गरेको आवेदन रुजु फाराम (कन्फरमेसन पेज) अथवा मोबाइलमा आएको एस.एम.एस.का साथै आफ्नो परिचय खुल्ने कागजात साथमा ल्याउनुपर्नेछ ।राष्ट्रिय परिचयपत्र भक्तपुर नपा वडा नं. २ स्थित भक्तपुर नपा कार्यालयको राष्ट्रिय परिचयपत्र वितरण कक्षबाट सार्वजनिक बिदामा बाहेक कार्यालय समयभित्र नियमित रुपमा वितरण गरिनेछ ।