- ५ असार २०८३, शुक्रबार / Jun 19, 2026
काठमाडौँ, २९ असार । विभिन्न भागमा आज हल्कादेखि मध्यम तथा केही स्थानमा भारी वर्षा हुने मौसम पूर्वानुमान महाशाखाले जनाएको छ। काठमाण्डौ उपत्यकासहित देशका केही स्थानमा बिहानैदेखि घाम लागे पनि गण्डकी प्रदेशका कास्की, तनहुँ, स्याङ्जालगायत स्थानमा हल्कादेखि मध्यम वर्षा भइरहेको छ।
दिउँसो कोशी, बागमती, गण्डकी र कर्णाली प्रदेशका एक/दुई ठाउँमा मेघगर्जन र चट्याङसहित ठूलो वर्षाको सम्भावना रहेको महाशाखाले जनाएको छ। अन्य प्रदेशमा भने हल्कादेखि मध्यम वर्षा हुन सक्नेछ।
आज राति पनि कोशी, मधेस, बागमती, गण्डकी, लुम्बिनी र सुदूरपश्चिम प्रदेशका केही ठाउँमा मेघगर्जनसहित वर्षाको सम्भावना रहेको छ।
त्यस्तै, रातिको समयमा कोशी र गण्डकी प्रदेशका एक/दुई स्थानमा भारी वर्षा हुन सक्ने उल्लेख गरिएको छ। मौसम पूर्वानुमान महाशाखाले आवश्यक सतर्कता अपनाउन अनुरोध गरेको छ।
