- २६ असार २०८३, शुक्रबार / Jul 10, 2026
धनगढी, १२ मंसिर । पूर्वउपप्रधानमन्त्री तथा नेपाली कम्युनिस्ट पार्टी (नेकपा)का नेता डा. भीम रावलले पार्टी सभामा बोल्दै एमाले अध्यक्ष केपी शर्मा ओलीमाथि कडा प्रहार गरेका छन् । उनले जेनजी विद्रोहका बेला राष्ट्रिय सुरक्षा परिषद् बैठक समेत बोलाउन नसकेर हेलिकप्टर चढेर भागेका ओली अहिले गुन्डुबाट हुँकार गरिरहेको आरोप लगाए ।
सुदूरपश्चिमको धनगढीमा शुक्रबार आयोजित एकता सन्देश सभामा रावलले भने, “राष्ट्रिय सुरक्षा परिषद् बैठक बोलाउन नसक्ने र हेलिकप्टरबाट भाग्ने केपी ओली आज गुन्डुको दुलोबाट बसेर हुँकार गरिरहेका छन्। अब एक नम्बर पार्टीमा नेपाली कम्युनिस्ट पार्टी आउने नै छ ।” उनले नेकपा ताजा जनादेशमा जान पूर्ण रूपमा तयार रहेको बताउँदै सरकारले निर्वाचनको वातावरण निर्माण गर्न आवश्यक कदम चाल्नुपर्नेमा जोड दिए । रावलले भने, “अन्तरिम सरकारलाई भन्न चाहन्छु । बाहिर चलिरहेको गोलीगठ्ठा नियन्त्रणमा लिएर शान्तिपूर्ण वातावरण बनाओस् । नेकपा चुनावमा जान तयार छ ।”
यसै क्रममा उनले नवयुवा जेनजी पुस्ताको आवाज नेकपाले मात्र उठाएको दाबी गरे । आगामी निर्वाचनमा नेकपाले बहुमत ल्याएर जेनजीका माग र आकांक्षा पूरा गर्ने विश्वास पनि व्यक्त गरे ।
