- २ आश्विन २०८३, शुक्रबार / Sep 18, 2026
काठमाडौँ, १५ वैशाख । सरकारले पोखरा र गौतम बुद्ध अन्तर्राष्ट्रिय विमानस्थलमा भएको भ्रष्टाचारको काण्डलाई लुकाउन राजावादीहरूले आतंक मच्चाएको भ्रम फैलाइको आरोप राष्ट्रिय प्रजातन्त्र पार्टी (राप्रपा) का सांसद दीपक सिंहले लगाएका छन्।
प्रतिनिधिसभाको शून्य समयमा बोल्दै सांसद सिंहले भने, “पोखरा र गौतम बुद्ध अन्तर्राष्ट्रिय विमानस्थलमा भएको भ्रष्टाचारको घटना ओझेलमा पार्न सरकारले राजावादीहरूले आतंक मच्चाएको हौवा खडा गरेको छ।”
उनले आफूहरू राजसंस्था पुनर्स्थापनाको पक्षमा रहेको स्पष्ट गर्दै थपे, “हामी राजा चाहिन्छ भन्ने मान्छे हौं, तर हाम्रो यो धारणालाई आधार बनाएर भ्रष्टाचारको काण्ड लुकाउन पाइँदैन।”
सांसद सिंहले विमानस्थल भ्रष्टाचार प्रकरणको निष्पक्ष छानबिनको माग गरेका छन्।
