मनहरी बस दुर्घटनामा ३५ जना घाइते

काठमाडौं । मनहरी गाउँपालिका ७ समिडाँडामा यात्रुबाहक बस दुर्घटना हुँदा ३५ जना यात्रु घाइते भएका छन् । काठमाडौंबाट महोत्तरीतर्फ जाँदै गरेको प्रदेश २–०३–००१ ख ३६२९ नम्बरको बस अनियन्त्रित भई सडकबाट करिब १० मिटर तल पल्टिएको हो ।

घाइतेहरूलाई उद्धार गरी स्थानीय स्वास्थ्य केन्द्र, हेटौंडा अस्पताल र चितवनका अस्पतालहरूमा पठाइएको जिल्ला प्रहरी कार्यालय मकवानपुरले जनाएको छ । घाईतेहरु २८ जनाको भरतपुरमा र स्थानिय मनहरी अस्पतालमा तीन जनाको उपचार भइरहेको छ । चार जना सामान्य प्रकृतिका घाईतेहरुको हेटौडा अस्पतालमा उपचार भइरहेको छ ।

बसका चालक महोत्तरी पिपरा गाउँपालिका–२ का ३७ वर्षीय जय किशोर कापर प्रहरी नियन्त्रणमा रहेको जिल्ला प्रहरी कार्यालय मकवानपुरका प्रहरी उपरीक्षक विश्वराज खड्काले जानकारी दिए ।