- २६ असार २०८३, शुक्रबार / Jul 10, 2026
रुपन्देही, १८ असाेज । धनगढीबाट काठमाडौँ जाँदै गरेको यात्रुवाहक बस कपिलवस्तुको वनकसवासामा दुर्घटना हुँदा ३६ जना घाइते भएका छन्।
ना ८ ख ५७०३ नम्बरको उक्त बस शनिबार बिहान करिब साढे ५ बजे सडक छेउमा पल्टिँदा दुर्घटना भएको हो। प्रहरीका अनुसार, दुर्घटनामा परेकामध्ये २ जना गम्भीर घाइते छन्।
घाइतेमध्ये १६ जनालाई थप उपचारका लागि बुटवलस्थित प्रादेशिक अस्पतालमा रिफर गरिएको छ भने बाँकी २० जनाको उपचार चन्द्रौटास्थित सञ्जीवनी सामुदायिक अस्पतालमा भइरहेको वडा प्रहरी कार्यालय चन्द्रौटाले जनाएको छ।
दुर्घटनाको कारणबारे अनुसन्धान भइरहेको प्रहरीले बताएको छ। स्थानीयवासी र सुरक्षाकर्मीहरूले घाइतेहरूलाई तत्काल उद्धार गरी अस्पताल पुर्याएका थिए।
