- २६ असार २०८३, शुक्रबार / Jul 10, 2026
एजेन्सी । प्यालेस्टिनी विद्रोही समूह हमासले इजरायलबाट बन्धक बनाएर बाँकी रहेका सबै व्यक्तिहरूलाई रिहा गर्न तयार रहेको जनाएको छ।
अमेरिकी राष्ट्रपति डोनाल्ड ट्रम्पले इजरायल–अमेरिकाबीच भएको गाजा शान्ति सहमति पालना गर्न दिएको समयसीमाको अन्तिम क्षणमा हमासले बाँकी बन्धकहरू रिहा गर्न सहमति जनाएको हो। तर, हमासले उक्त सहमतिको केही बुँदामा संशोधन गर्नुपर्ने माग राखेको बीबीसीले उल्लेख गरेको छ।
हमासको यो घोषणापछि अमेरिकी राष्ट्रपति ट्रम्पले सामाजिक सञ्जालमार्फत प्रतिक्रिया जनाउँदै गाजामा शान्तिको मार्ग खुलेको बताएका छन्। उनले इजरायललाई गाजामा आक्रमण रोक्न आग्रह गर्दै, “हमास सहमतिको बाटोमा आएको छ, अब शान्ति सम्भव छ,” भनेका छन्।
यता, इजरायली प्रधानमन्त्री बेन्जामिन नेतान्याहूले पनि अमेरिकी राष्ट्रपति ट्रम्पको योजनाअनुसार गाजा र मध्यपूर्वमा शान्तिका लागि मिलेर काम गर्न तयार रहेको प्रतिक्रिया दिएका छन्।
