- २९ श्रावण २०८३, शुक्रबार / Aug 14, 2026
काठमाडौं । काभा नेसन्स महिला लिगमा नेपाली महिला भलिबल टिमले विजयी सुरुआत गरेको छ । बिहीबार त्रिपुरेश्वरस्थित राष्ट्रिय खेलकुद परिषद् (राखेप) परिसरमा भएको उद्घाटन खेलमा नेपालले श्रीलंकाविरुद्ध ३–० को सोझो सेटमा जित निकालेको हो ।
नेपालले खेलको पहिलो सेट २५–१९ ले जितेको थियो । दोस्रो सेट २५–१८ र तेस्रो सेट २५–१९ ले आफ्नो पक्षमा पारेको हो । आजदेखि सुरु भएको प्रतियोगितामा नेपालसहित कुल पाँच देशको सहभागिता छ ।
प्रतियोगितामा नेपाल, भारत, श्रीलंका, इरान र माल्दिभ्सको सहभागिता छ । नेपालले अब शनिबार भारतविरुद्ध प्रतिस्पर्धा गर्ने तालिका छ ।
