- ३ आश्विन २०८३, शनिबार / Sep 19, 2026
काठमाडौं । बाढी पूर्वानुमान महाशाखाका अनुसार १५ जिल्लाका साना नदीमा आज आकस्मिक बाढीको सम्भावना छ । इलाम, झापा, मोरङ, सुनसरी, उदयपुर, पर्वत, म्याग्दी, बागलुङ, स्याङ्जा, पाल्पा, रूपन्देही, कपिलवस्तु, दाङ, अर्घाखाँची र गुल्मी भएर बग्ने साना नदीमा आकस्मिक बाढीको अनुमान गरिएको हो।
यस्तै, मकवानपुर, नवलपरासी (बर्दघाट सुस्ता पूर्व), नवलपरासी (बर्दघाट सुस्ता पश्चिम), पर्सा, चितवन, गोरखा, लमजुङ, तनहुँ र कास्की भई बग्ने साना नदीमा समेत बहाव बढ्ने सम्भावना छ। त्यसैले नदीतटीय क्षेत्रमा उच्च सतर्कता अपनाउन महाशाखाले आग्रह गरेको छ
साथै नारायणी र यसका प्रमुख सहायक नदी बूढीगण्डकी, सेती, मर्स्याङ्दी कालिगण्डकी तथा बागमती र यसका सहायक नदीहरूमा पनि जलसतह बढ्दोरूपमा रहने विभागले जनाएको छ।
