पहाडी र उच्च हिमाली क्षेत्रमा मौसममा परिवर्तन

काठमाण्डौ । पहाडी र उच्च हिमाली क्षेत्रमा मौसममा परिवर्तन भएको छ । मंगलबार पश्चिम नेपालका सुदूरपश्चिम, कर्णाली र गण्डकी प्रदेशको पहाडी क्षेत्रको मौसम परिवर्तन भएको हो ।

पश्चिमी वायुका कारण अहिले बादल लागेको जल तथा मौसम पूर्वानुमान महाशाखाले जनाएको छ । अहिले तराईका केही ठाउँमा हुस्सु र कुहिरो लागेको भए पनि दिउँसो हट्ने अनुमान छ । देशका बाँकी ठाउँमा आजको मौसम सामान्यतया सफा रहेको छ ।

मंगलबार गण्डकी, कर्णाली र सुदूरपश्चिम प्रदेशको हिमाली क्षेत्रका केही ठाउँमा हल्का वर्षा र हिमपातको सम्भावना छ । दिउँसो कोशी, मधेश, बाग्मती र लुम्बिनी प्रदेशमा आंशिक बदलीको सम्भावना रहेको महाशाखाले जनाएको छ ।