- ४ बैशाख २०८३, शुक्रबार / Apr 17, 2026
काठमाडौं, १ असार । पछिल्लो २४ घण्टामा देशका विभिन्न जिल्लामा चट्याङ लागेर १८ जना घाइते भएका छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार रोल्पा, मकवानपुर, स्याङ्जा, प्यूठान, अर्घाखाँची, दाङ, सल्यान र सङ्खुवासभामा चट्याङका घटना भएका हुन्।
रोल्पामा मात्रै आठ जना घाइते भएका छन्, जसमा बालकल्याण माविको प्राङ्गणमा चट्याङ पर्दा छ जना बालबालिका र त्रिवेणी गाउँपालिकाको डाफ्लामा दुई जना घाइते भएका हुन्। अन्य विवरणअनुसार: मकवानपुरको राक्सिराङमा २ जना, प्यूठानको ऐरावतीमा २ जना, दाङको घोराही उपमहानगरमा २ जना, स्याङ्जा, अर्घाखाँची, सल्यान र सङ्खुवासभामा १/१ जना रहेका छन्र ।
यसबाहेक, लेक लागेर रसुवामा १ जना र आगलागीका कारण रुपन्देहीमा २ जना घाइते भएका छन्। प्राधिकरणका अनुसार पछिल्लो २४ घण्टामा देशभर ३० वटा विभिन्न विपद्का घटना रेकर्ड गरिएको छ।
