- २४ भाद्र २०८३, बुधबार / Sep 9, 2026
काठमाडौं, १ असार । लगातारको वर्षाका कारण देशका विभिन्न नदी तथा खोलाहरूमा पानीको सतह तीव्र रूपमा बढ्दै गएको छ। धनकुटाको मछुवाघाटअन्तर्गत कोशी नदी र सिन्धुलीको रानीचुरीअन्तर्गत कमला नदीमा पानीको सतह खतराको तह पार गरेको बाढी पूर्वानुमान महाशाखाले जनाएको छ।
महाशाखाले मकवानपुरको हेटौंडा र रजैया क्षेत्र, धनुषाको चिसापानी क्षेत्र, बारा र रौतहटको रजुवा र चन्द्रपुर आसपासका खोलाहरूमा पनि पानीको बहाव तीव्र हुने अनुमान गरिएकोले तटीय क्षेत्रमा विशेष सतर्कता अपनाउन अनुरोध गरेको छ।
देशका अन्य भूभागमा समेत मध्यमदेखि भारी वर्षा जारी रहेकाले सम्भावित बाढी, डुबान र पहिरोको जोखिमलाई ध्यानमा राख्दै पूर्वतयारी र सजगता अपनाउन विज्ञहरूले सुझाव दिएका छन्।
