पोखराको लामाचौरबाट तीन वर्षीय बालक हराए

काठमाडौं । कास्कीको पोखरा महानगरपालिका १६ लामाचौरबाट तीन वर्षीय बालक हराएका छन्।
जिल्ला प्रहरी कार्यालय कास्कीका सूचना अधिकारी प्रहरी नायब उपरीक्षक वसन्तकुमार शर्माका अनुसार रामचन्द्र सीकेका छोरा अनमोल मंगलबार बेलुकी करिब साढे ९ बजेदेखि हराएका हुन्।

गहुँगोरो वर्णका, कपाल बाटेका र आफ्नो नाम बताउन सक्ने ती बालकलाई देखे नजिकैको प्रहरी चौकीमा खबर गरिदिन कास्की प्रहरीले अनुरोध गरेको छ।परिवारबाट बालक बेपत्ता भएको सूचना प्राप्त भएपछि वडा प्रहरी कार्यालय बगरबाटटोली खटिएर खोजी गरिरहेको प्रहरीले जनाएको छ।