अछाम र बाजुरामा बिजुली अवरुद्ध

काठमाडौं । नेपाल विद्युत् प्राधिकरणको साँफेबगरस्थित सब स्टेसनमा समस्या आएपछि अछाम र बाजुरामा बिजुली अवरुद्ध भएको छ। सब स्टेसनको ‘इनकमर’मा रातिदेखि नै प्राविधिक समस्या आएर विद्युत् अवरुद्ध भएको अछाम वितरण केन्द्रले जानकारी दिएको छ।

मर्मत कार्य भइरहेकोले कार्य सम्पन्न भएपछि मात्रै विद्युत् प्रवाह हुने केन्द्रले सूचना जारी गरेको छ। आज नै बत्ती आउने गरेर काम गरिरहेको प्राधिकरण अछाम वितरण केन्द्र प्रमुख हिक्मतबहादुर बिसीले ​जानकारी दिए ।