चिनियाँ राजदूत र प्रधानमन्त्री दाहालबीच भेट, द्विपक्षीय हितका विषयमा छलफल

काठमाडौं । नेपालस्थित चिनियाँ राजदूत सोङ र प्रधानमन्त्री प्रचण्डबीच भेटवार्ता भएको छ । बिहीबार विहान प्रधानमन्त्रीलाई भेट्न राजदूत सोङ बालुवाटार पुगेका थिए । द्विपक्षीय हितका विषयमा छलफल भएको स्रोतको दावी छ ।

चिनियाँ राजदूत सोङले पछिल्लोपटक विकसित राजनीतिक घटनाक्रमका बारे चासो राखेको बुझिएको छ । राजदूत सोङले बिआरआई परियोजना अघि बढाउन प्रधानमन्त्री दाहाललाई सुझाव दिएका थिए ।

चिनियाँ विदेश मन्त्रालयले केही दिनअघिको नियमित पत्रकार सम्मेलनमा नेपालको बदलिँदो सत्ता समीकरणसँग मिलेर काम गर्ने बताएका थिए । बिआरआई परियोजना कार्यान्वयनको विषयलाई चीन सरकारले महत्व दिँदै आएको छ ।