- २२ श्रावण २०८३, शुक्रबार / Aug 7, 2026
काठमाडौं, ५ जेठ ।राष्ट्रिय परीक्षा बोर्डले कक्षा १२ को वार्षिक परीक्षाको नतिजा सार्वजनिक गरेको छ। परीक्षा सम्पन्न भएको ३५ दिनमै बोर्डले नतिजा प्रकाशन गरेको हो।
गत वैशाख १४ देखि २७ गतेसम्म सञ्चालन भएको परीक्षामा देशभरबाट ४ लाख १८ हजार ८ जना परीक्षार्थी सहभागी भएका थिए। नियमिततर्फ ५ हजार ३३९ विद्यालयका ३ लाख ३२ हजार १७८ विद्यार्थीले परीक्षा दिएका थिए।
तीमध्ये १ लाख ७२ हजार १२ जना छात्र, १ लाख ६० हजार १३७ जना छात्रा तथा २९० जना अन्य समूहका परीक्षार्थी सहभागी भएका थिए।
यस वर्ष देशभर १ हजार ४२० र जापानमा १ गरी कुल १ हजार ४२१ परीक्षा केन्द्र तोकिएको थियो। सबैभन्दा बढी परीक्षा केन्द्र काठमाडौंमा १६१ वटा रहेका थिए भने मनाङ र मुस्ताङमा एक–एक वटा मात्र परीक्षा केन्द्र सञ्चालन गरिएको थियो।
राष्ट्रिय परीक्षा बोर्डले विद्यार्थीलाई आधिकारिक माध्यमबाट आफ्नो नतिजा हेर्न र आवश्यक परे पुनर्योग वा अन्य प्रक्रियाबारे बोर्डको सूचनाअनुसार अघि बढ्न आग्रह गरेको छ।
