कांग्रेसको अडानः व्यक्तिको नाम तोकेरै संसदीय छानबिन समिति गठन हुनुपर्छ

काठमाडौं । नेपाली कांग्रेसले संसदीय छानबिन समितिको कार्यादेशमा आफ्नो अडान कायमै राख्ने निर्णय भएको छ । आज बिहानको आन्तरिक छलफलमा सहकारीको रकम अपचलनमा संलग्न व्यक्तिको नाम उल्लेख गरेरै छानबिन समिति गठन हुनुपर्ने अडानमा कायम रहने कांग्रेस नेताहरुले निर्णय गरेका हुन् ।

गोर्खा मिडिया नेटवर्कको नाम मात्र लिएर पुग्दैन कम्तिमा त्यहाँ संलग्न व्यक्तिहरुको उल्लेख नगरिकन छानबिन हुन सक्दैन भन्ने कांग्रेसको अडान कायमै रहेको कांग्रेस सहमहामन्त्री जीवन परियारले जानकारी दिए।

तर, सत्ता पक्षका नेताहरुले संस्थाको नाम उल्लेख गरेपछि व्यक्तिको नाम उल्लेख गर्न नपर्ने अडान राखेका छन् । त्यसमा कांग्रेस सहमत छैन ।