- ४ जेष्ठ २०८३, सोमबार / May 18, 2026
काठमाडौं । नारायणगढ -मुग्लिन सडकखण्डमा पहिरो खस्दा एक जनाको मृत्यु भएको छ । सडकखण्डको तुइन खोला नजिकै पहिरो खसेर एक जना डोजर चालकको मृत्यु भएको हो । मृतकको पहिचान हुन बाँकी रहेको सडक डिभिजन कार्यालय चितवनले जनाएको छ ।
आज बिहान नाला खन्ने क्रममा पुल निर्माण कम्पनीको मेसिन माथि पहिरो खस्दा अपरेटरको मृत्यु भएको हो । पहिरोले मेसिनमा पनि क्षति पुगेको छ । सडक अहिले सञ्चालनमै छ ।
