- २८ श्रावण २०८३, बिहीबार / Aug 13, 2026
काठमाडौं । नेपाली कांग्रेसले संसदीय दलको बैठक बोलाएको छ । प्रतिनिधि सभाको बैठक अगाडि नयाँ बानेश्वरस्थित संसद भवनको ल्होत्से हलमा संसदीय दलको बैठक बस्न लागेको प्रमुख सचेतक रमेश लेखकले जानकारी दिए ।
बैठकमा उपप्रधान एवम् गृहमन्त्री रवि लामिछानेमाथि कांग्रेसले उठाउँदै आएको संसदको छानबिन समितिको मागको विषय र संसदको चालु अधिवेशन अन्त्यको विषयमा छलफल हुने बताइएको छ । प्रतिनिधि सभाको बैठक बिहान ११ बजे बोलाइएको छ ।
सरकारले आज राति १२ बजेपश्चात संसदको चालु अधिवेशन अन्त्य गर्न सिफारिस गरेको छ । गत शुक्रबार बसेको मन्त्रिपरिषद्को बैठकले संसद्को चालु अधिवेशन अन्त्य गर्न राष्ट्रपति रामचन्द्र पौडेलसमक्ष सिफारिस गरेको हो ।
