- २२ कार्तिक २०८३, आईतवार / Nov 8, 2026
काठमाडौं, ११ साउन । बचत फिर्ताको माग गर्दै सहकारी पीडितहरूले सोमबार काठमाडौंको माइतीघरमा प्रदर्शन गरेका छन् ।
सहकारी बचतकर्ता संरक्षण राष्ट्रिय अभियानको आयोजनामा भएको प्रदर्शनमा सहभागीहरूले सबै बचतकर्तालाई समान व्यवहार गर्न, बचत फिर्ताको स्पष्ट र प्रभावकारी व्यवस्था गर्न तथा आफूहरूको बचत रकम तत्काल फिर्ता गर्न सरकारसँग माग गरेका छन् ।
माइतीघरबाट सुरु भएको र्याली बुद्धनगरस्थित समस्याग्रस्त सहकारी व्यवस्थापन समितिको कार्यालयसम्म पुगेको थियो । प्रदर्शनका क्रममा सहभागीहरूले सरकारसँग यसअघि भएको सम्झौता कार्यान्वयन गर्नुपर्ने मागसमेत दोहोर्याएका थिए ।
प्रदर्शनकारीहरूले वर्तमान सरकारले बचत फिर्ताको क्रममा साना र ठूला बचतकर्ताबीच विभेद गरेको आरोप लगाउँदै सबै पीडितलाई समान रूपमा न्याय दिनुपर्ने बताएका छन् ।
