राजुनाथ पाण्डेको निलम्बन बदर, अदालतको आदेशले पदीय जिम्मेवारीमा फर्किने बाटो खुल्यो

काठमाडौं, ४ असार ।  काठमाडौं महानगरपालिकाका प्रहरी प्रमुख राजुनाथ पाण्डेमाथि लगाइएको निलम्बनको कारबाही उच्च अदालत पाटनले बदर गरेको छ । प्रमुख प्रशासकीय अधिकृत सरोज गुरागाईंले गरेकाे निलम्बन निर्णयलाई बिहीबार अदालतले अन्तरिम आदेशमार्फत खारेज गरेको हो ।

उच्च अदालत पाटनको आदेशपछि अब पाण्डे पुनः आफ्नो पदीय जिम्मेवारीमा फर्किन पाउने भएका छन् । अदालतको उक्त निर्णयले पाण्डेको पक्षमा न्याय पुगेको भन्दै समर्थकहरूले स्वागत गरेका छन् ।