- १६ जेष्ठ २०८३, शनिबार / May 30, 2026
काठमाडौं । कैलालीमा एक जनाको मृत्यु भएको छ । कैलालीको टीकापुर नगरपालिका–१ मा हावाहुरीले रुख ढल्दा च्यापिएर एक बालिकाको मृत्यु भएको हो ।
कैलालीको टीकापुर नगरपालिका–१ विशालनगरकी १५ वर्षीया प्याउरी विकको मृत्यु भएको हो। टीकापुर बहुमुखी क्याम्पसको जग्गामा भूमिहीन, सुकुमवासीका रूपमा बसेका विशाल नगर, गणेशपुर, एकता नगर लगायतका शिविरमा बर्सेनी रुख ढलेर घर भत्किने, मानिस घाइते हुने र ज्यान जाने घटना भइरहेका छन्।
बुधवार आफन्तको घरबाट फर्किँदै गरेकी प्याउरीलाई घर नपुग्दै बाटैमा रुख ढलेर च्यापेको प्रत्यक्षदर्शीले बताएका छन् । विक जनकल्याण आधारभूत विद्यालय लायकपुरमा कक्षा ७ मा पढ्थिन्। उनको शव अहिले पोस्टमार्टमका लागि टीकापुर अस्पताल लगिएको छ ।
