जाजरकोट पहिरोमा परि एकै घरका तीन जनाको मृत्यु

जाजरकोट । अविरल वर्षापछि आएको पहिरोले अस्थायी टहरा पुरिँदा एकै घरका तीन जनाको मृत्यु भएको छ ।

आइतबार राती नलगाड नगरपालिका २ माझगाउँमा आएको पहिरोले लालबहादुर परियारको टहरा पुरिँदा तीन जनाको घटनास्थलमै मृत्यु भएको प्रहरीले जानकारी दिएको छ ।

मृत्यु हुनेहरुमा ४२ वर्षीय लालबहादुर परियार, ३४ वर्षीया मनिशा परियार र २ वर्षीय शिभम परियार रहेको जिल्ला प्रहरी कार्यालयका डिएसपी पुरुषेत्तम पाण्डेले बताए ।

घटनाको खबर पाउने बित्तिकै ईलाका प्रहरी कार्यालय दल्लीबाट प्रहरी घटना स्थलतर्फ गएर सबै मृतकको शव निकालेको डिएसपी पाण्डेले बताए ।