बालकको शव खोलामा भेटियो

नवलपरासी । कावासोती नगरपालिका ४ हसौराबाट बेपत्ता भएका दुई वर्षे बालकको शव खोला किनारमा भेटिएको छ ।

रामजी ढुङ्गानाको छोरा ३० महिने सुवास ढुङ्गाना मङ्गलवार बिहान आफ्नै घर आँगनमा साइकलमा खेलिरहेको अवस्थामा हराएका थिए । बेपत्ता बालकलाई घर छेउको पक्की सिँचाइ कुलोले बगाएको अनुमानसहित खोजी गर्दा आज कावासोती ४ तिलाहास्थित हसौरा खोला किनारमा शव भेटिएको हो ।

हसौरा सिँचाइ कुलोले बगाएको बालकलाई घर देखि दुई किमि दुरीमा रहेको खोलाको किनारमा शव भेटेपछि स्थानीले प्रहरीलाई खबर गरेका थिए । घटनाका बारेमा थप अनुसन्धान भई रहेको जिल्ला प्रहरी कार्यालय नवलपरासी बर्दघाट सुस्तापूर्वका प्रहरी नायव उपरीक्षक वेदबहादुर पौडेलले बताए ।