झापामा दुई छोरासहित आमा मृत फेला

काठमाडौं । झापामा आज बिहान एकै परिवारका दुई बालकसहित तीन जना मृत फेला परेका छन् । शिवसताक्षी नगरपालिका वडा नं ३ भोटेपुलमा सुजन बेस्राकी श्रीमती २५ वर्षीया अन्जली बेस्रा, उनका छोराहरू ९ वर्षका विशाल बेस्रा र ३० महिनाका आयुष बेस्रा मृत फेला परेका हुन् ।

अन्जली झुन्डिएको अवस्थामा फेला परेकी छन् । आफ्ना दुई छोरालाई विष सेवन गराई हत्या गरेपछि उनले आत्महत्या गरेको हुनसक्ने आशंका गरिएको छ ।
प्रहरी टोलीले घटनास्थल पुगेर अनुसन्धान गरिरहेको छ । सुजन बेस्रा वैदेशिक रोजगारीमा रहेको बताइएको छ ।