जुम्लामा धुवाले निसास्सिएर दिदीबहिनीको मृत्यु

काठमाडौैंं । जुम्लाको पातारासी गाउँपालिकामा धुवाले निसास्सिएकी दिदीबहिनीको उपचारका क्रममा मृत्यु भएको छ। ११ दिनकी सुत्केरी २२ वर्षकी मायालक्ष्मी महतारा र उनकी बहिनी १९ वर्षीया जुनमाया रोकायाको मृत्यु भएको जुम्ला प्रहरीले जनाएको छ।

सुत्केरी भएको ११ दिन पुगेकी मायालक्ष्मीको अस्पतालमा उपचारका क्रममा सोमबार नै मृत्यु भएको हो भने उनकी बहिनी जुनमायाको मंगलबार बिहान मृत्यु भएको जिल्ला प्रहरी कार्यालय जुम्लाले जानकारी दिएको छ।

सुत्केरीका लागि सेक्न बालेको आगोको धुवाँमा ती दिदीबहिनीहरू निसास्सिएका थिए। निसास्सिएर ११ दिनको बच्चासमेत गम्भीर अवस्थामा छ।

बच्चाको उपचार भइरहेको जिल्ला प्रहरी कार्यालय जुम्लाका डीएसपी छेदीलाल कामतीले बताए।