कैलालीमा माछा मार्ने क्रममा डुबेर एकजनाको मृत्यु

काठमाडौं । कैलालीमा माछा मार्ने क्रममा डुबेर एकजनाको मृत्यु भएको छ। धनगढी उपमहानगरपालिका १० जुगेडा कटानका ५० वर्षीय लालबाबु रानाको डुबेर ज्यान गएको हो ।

जिल्ला प्रहरी कार्यालयका अनुसार माछा मार्ने क्रममा राना डुबेर बेपत्ता भएको खबर प्राप्त भएपछि अस्थायी प्रहरी पोष्ट जुगेडाबाट खटेको प्रहरी टोलीले खोजी गरेको थियो। गएराति करिब पौने १० बजे राना नदीमा मृत फेला परेको जिल्ला प्रहरी कार्यालयले प्रवक्ता एवं प्रहरी नायब उपरीक्षक कवीन्द्रसिंह बोहराले जानकारी दिए।