गण्डकीमा डेँगीको सङ्क्रमण तीव्र

काठमाडौं । गण्डकी प्रदेशमा डेँगी सङ्क्रमण तीव्र भइरहेको छ । सावधानी अपनाउन चिकित्सकको सुझाव छ । रोग सार्ने लामखुट्टेको टोकाइबाट बच्नु नै डेँगीबाट बच्ने उत्तम उपाय भएको उनीहरूको भनाइ छ । डेँगी सङ्क्रमण हुँदैमा आत्तिहाल्नु नपर्ने चिकित्सकले बताएका छन् ।

डेँगी सङ्क्रमणपछि बान्ता भइरहने, नाकबाट रगत आउने, कालो दिसा हुने, थकानजस्ता लक्षण देखिए चिकित्सकको विशेष निगरानीमा उपचार गर्नुपर्ने हुन्छ । डेँगी भएमा आराम गर्ने, पानीलगायत झोलिलो प्रशस्त पदार्थ पिउने र जथाभावी औषधि सेवन गर्न नहुने चिकित्सकले बताएका छन् ।

गर्भवती र बालबालिकामा डेँगीको सङ्क्रमण भएमा स्वास्थ्यमा जटिलता निम्तनसक्ने उनको हुन्छ । ुअधिकांश सङ्क्रमित सामान्य उपचारपछि निको हुन्छन्, कतिपयमा डेँगीले जटिलता ल्याउन सक्छ, सामान्य रोग हो भन्ने सोचेर लापरबाही गरेमा ज्यानै जोखिममा पर्न सक्ने भएकाले सावधानी अपनाउनु बाहेक अर्को विकल्प नरहेको स्वास्थ्यकर्मी बताउँछन् । डेँगी सार्ने ‘एडिस एजिप्टाइ’ जातको पोथी लामखुट्टे जमेको सफा पानीमा बस्ने हुँदा घर, कार्यालय र सार्वजनिकस्थलमा पानी जम्न दिनु हुदैन ।