- २६ असार २०८३, शुक्रबार / Jul 10, 2026
काठमाडौँ, २८ साउन । सातै प्रदेशका थोरै ठाउँमा ठूलो पानी पर्न सक्ने र एक/दुई ठाउँमा अति ठूलो पानी पर्न सक्ने जल तथा मौसम पूर्वानुमान महाशाखाले जनाएकाे छ ।
न्यून चापीय रेखा तराई आसपास रहेकाले मनसुन सक्रिय रहँदा कोशी, मधेश, बागमतीका केही स्थानमा तथा बाँकी प्रदेशमा हल्कादेखि मध्यम वर्षा भइरहेको छ। गएराति झापा, उदयपुर, बाँके, डोटीमा ठूलो वर्षा भएको थियो।
आज राति गण्डकी र कर्णालीका पहाडी भाग, लुम्बिनी र सुदूरपश्चिमका पहाडी तथा तराई भागमा मध्यम वर्षा र केही ठाउँमा ठूलोदेखि अति ठूलो वर्षा हुने सम्भावना छ।
नदी किनार, डुबान सम्भावित क्षेत्र र पहिरो जोखिमयुक्त भूभागमा सतर्कता अपनाउन महाशाखाले आग्रह गरेको छ। भोलि र पर्सि वर्षा केही घट्ने अनुमान छ।
