- ३१ असार २०८३, बुधबार / Jul 15, 2026
काठमाडौँ, २२ असार । हाल देशभर मनसुनी वायुको प्रभाव देखिएको छ । आज देशका अधिकांश भागहरूमा बर्षा र चट्याङको सम्भावना रहेको मौसम पूर्वानुमान महाशाखाले जनाएको छ । महाशाखाका अनुसार मनसुनको न्यून चापीय रेखा सरदर स्थानको आसपास सक्रिय रहेकाले देशभर आंशिकदेखि सामान्य बदली रहनेछ । विशेष गरी कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशमा भारी वर्षाको सम्भावना रहेको बताइएको छ ।
कोशी, बागमती, गण्डकी र सुदूरपश्चिमका केही स्थानहरूमा चट्याङसहित हल्कादेखि मध्यम वर्षाकाे सम्भावना रहेकाे छ भने कोशी र बागमती प्रदेशका पहाडी क्षेत्रमा भारी वर्षाको सम्भावना रहेकाे छ । त्यसैगरी उच्च पहाडी तथा हिमाली भूभागका एक-दुई स्थानमा हल्कादेखि मध्यम वर्षा र हिमपातकाे सम्भावना रहेकाे महाशाखाले जनाएकाे छ ।
भारी वर्षासँगै भूक्षय, बाढी, पहिरो र गेग्रान बहावको जोखिम रहेकोले महाशाखाले सतर्कता अपनाउन र पूर्वतयारी गर्न सबैलाई आग्रह गरेको छ। जोखिमयुक्त क्षेत्रहरूमा यात्रारत वा बसोबास गरिरहेकाहरूलाई विशेष ध्यान दिन अनुरोध गरिएको छ ।
