- १३ भाद्र २०८३, शनिबार / Aug 29, 2026
धादिङ, १३ भदाै । बाढीले बगाएर ल्याएको बैंकको ‘सेफ’ फोडेर रकम निकाल्ने २९ जना पक्राउ परेका छन् । सशस्त्र प्रहरी बल र नेपाल प्रहरीको संयुक्त टोलीले उनीहरूलाई नियन्त्रणमा लिएको सशस्त्र प्रहरीका प्रवक्ता डीएसपी शैलेन्द्र थापाले जानकारी दिएका छन् ।
प्रवक्ता थापाका अनुसार पक्राउ परेकाहरूको साथबाट ९२ लाख ६८ हजार ५०५ रुपैयाँ बरामद गरिएको छ । बाढीका कारण बैंकको सेफ नदीले बगाएर धादिङमा ल्याएको थियो । सेफ भेटिएपछि त्यसलाई फोडेर रकम निकाल्ने क्रममा उनीहरू पक्राउ परेको प्रहरीले जनाएको छ ।
बरामद रकम र पक्राउ परेका व्यक्तिहरूमाथि प्रहरीले थप अनुसन्धान गरिरहेको छ । घटनामा संलग्न अन्य व्यक्तिको खोजी तथा घटनाको विस्तृत विवरण संकलन गर्ने कामसमेत भइरहेको प्रहरीले जनाएको छ ।
