धादिङको जरेखेतमा पहिरो, पृथ्वी राजमार्ग दुईतर्फी अवरुद्ध

धादिङ, २३ साउन । धादिङको गल्छी गाउँपालिका–६ जरेखेतमा पहिरो खस्दा पृथ्वी राजमार्ग शुक्रबार बिहानदेखि अवरुद्ध भएको छ।रूखसहितको पहिरो खसेपछि सडकमा दुईतर्फी सवारी आवागमन रोकिएको हो।

पहिरो पन्छाउनका लागि उपकरणसहित सुरक्षाकर्मी परिचालन गरिएको प्रमुख जिल्ला अधिकारी सुमन घिमिरेले जानकारी दिएका छन्।राजमार्ग अवरुद्ध भएपछि काठमाडौँ जाने सवारी गजुरीतर्फ र मुग्लिनतर्फबाट आउने सवारी आदमघाट क्षेत्रमा रोकिएका छन्।

लगातारको वर्षाका कारण राजमार्गका विभिन्न स्थानमा पहिरो खस्ने जोखिम उच्च भएकाले चालक र यात्रुलाई सतर्क रहन आग्रह गरिएको छ।