- ३१ आश्विन २०८३, शनिबार / Oct 17, 2026
तीन जना नेपाली नागरिक पक्राउ — समिर नेपाली, राकेश नेपाली (नुवाकोट) र राजकुमार परियार (काभ्रे)
नेपाल प्रहरी मानव बेचबिखन विरुद्धको ब्यूरोद्वारा पक्राउ
पीडितहरूलाई पाँचदेखि सात लाख दिने प्रलोभन देखाई भारत पुर्याइन्थ्यो
मृगौला भारतका चण्डीगढ, नोयडा लगायतका स्थानमा निकालिने
जिल्ला अदालत काठमाडौंबाट हिरासतमा राखेर एक हप्ताको म्याद
आर्थिक अवस्था कमजोर भएका युवाहरूलाई लक्षित गरेर गिरोह सञ्चालन
पीडितहरू प्रहरी सम्पर्कमा आएपछि घटनाको खुलासा
काठमाडौं, २२ साउन । नेपाली युवालाई भारत लगेर मृगौला निकाल्ने र बिक्री गर्ने गिरोहका तीन सदस्यलाई नेपाल प्रहरीले पक्राउ गरेको छ। नेपाल प्रहरी मानव बेचबिखन अनुसन्धान ब्यूरोले उनीहरूलाई पक्राउ गरेको हो।
पक्राउ पर्नेमा नुवाकोटका समिर नेपाली, राकेश नेपाली र काभ्रेका राज कुमार परियार रहेका छन्। ब्यूरोका प्रवक्ता प्रहरी उपरीक्षक नरेन्द्र कुँवरका अनुसार, जिल्ला अदालत काठमाडौंबाट तीनैजनालाई एक साताको म्याद लिएर हिरासतमा राखी थप अनुसन्धान थालिएको छ।
प्रहरीका अनुसार उनीहरूले भारतको नयाँ दिल्ली, चण्डीगढ र नोयडा जस्ता स्थानमा पुर्याएर नेपाली युवाको मृगौला निकाल्ने र बिक्री गर्ने कार्य गर्दै आएका थिए। गिरोहले आर्थिक रूपमा कमजोर युवाहरूलाई पाँचदेखि सात लाख रुपैयाँ दिने प्रलोभन देखाएर फसाउने गरेको खुलेको छ।
यस गिरोहको काम कारबाही तब उजागर भयो जब मृगौला निकालिएका केही पीडितहरू प्रहरीको सम्पर्कमा आए। त्यसपछि सुरु गरिएको अनुसन्धानबाट तीन जनाको संलग्नता खुलेको हो। प्रहरीले यो गिरोह अझै ठूलो नेटवर्कमा फैलिएको आशंका गर्दै थप अनुसन्धान गरिरहेको जनाएको छ।
