धान गोड्ने क्रममा लडेकी वृद्धाको उपचारकै क्रममा निधन

सप्तरी, ६ भदौ । सप्तरीको तिलाठी कोइलाडी गाउँपालिका–६ बभनगामा खेतमा धान गोड्ने क्रममा एक वृद्धाको मृत्यु भएको छ। स्थानीय ६५ वर्षीया पवनदेवी यादव बिहीबार बिहान साढे ९ बजेतिर आफ्नै खेतबारीमा धान गोड्दै गर्दा अचानक लडेर बेहोस भएकी थिइन्।

उनलाई तत्काल उपचारका लागि छिन्नमस्ता अस्पताल लैजाँदा चिकित्सकले मृत घोषणा गरेका जिल्ला प्रहरी कार्यालय सप्तरीका प्रहरी नायब उपरीक्षक जितेन्द्रकुमार बस्नेतले जानकारी दिए। उनको शवलाई पोष्टमार्टमका लागि गजेन्द्रनारायण सिंह अस्पताल, राजविराज लगिएको प्रहरीले जनाएको छ।