हिमा नदी किनारमै नेमकिपाका अध्यक्ष नारायणमान बिजुक्छेँको कार्यकर्तासंग संवाद

जुम्ला । न त मञ्च थियो, न पर्दा, न झ्याल, न दरबार। थियो त,नदीको चिसो बगर, हावा सुसाउने सुनसान माहोल, अनि एउटा स्क्रिन-अनि नेमकिपाका अध्यक्ष विजुक्छेको सन्देश कार्यकर्ताहरू अनुभूत गर्दै थिए ।

मंगलबार हिमा नदीको किनार, जुम्लाको सिँजामा अध्यक्ष विजुक्छेले अनलाइन कक्षामार्फत जुम्लाका कार्यकर्ताहरुसंग सम्बाद गर्नुभएको हो ।

बगरको ढुंगामा बसेका कार्यकर्ताहरू अध्यक्षसंग प्रत्यक्ष सम्बाद गर्न पाउँदा खुशी देखिन्थे । कार्यकर्ताहरूको तर्फबाट आएका जिज्ञासा अध्यक्ष विजुक्छेले मेटाउँनु भएको थियो ।