- ११ बैशाख २०८३, शुक्रबार / Apr 24, 2026
एजेन्सी, २२ कार्तिक । अमेरिकामा जारी संघीय सरकारको सटडाउनका कारण ४० विमानस्थलमा हवाई उडान कटौती गरिएको छ। न्यूयोर्क, लस एन्जलस, शिकागो, वाशिंगटन डीसीलगायतका प्रमुख विमानस्थलमा उडान रद्द र ढिलाइ हुँदा यात्रुहरू समस्यामा परेका छन्।
विगत ३७ दिनदेखि जारी संघीय सटडाउनका कारण अमेरिकी हवाई सेवामा ठूलो असर परेको छ। तलब नपाएका संघीय कर्मचारीहरू, विशेषगरी एयर ट्राफिक नियन्त्रक (Air Traffic Controllers) ले काम गर्न असमर्थता जनाएपछि अमेरिकी विमानस्थलहरूमा घरेलु उडान कटौतीको घोषणा गरिएको हो।
बीबीसीका अनुसार, हिजो मात्रै अमेरिकाभर ५,००० भन्दा बढी उडानहरू रद्द वा ढिलाइ भएका छन्। यसले सयौं हजार यात्रुहरूलाई उडान र सवार–अवतर सम्भव नहुने अवस्थामा पुर्याएको छ। अमेरिकी इतिहासकै सबैभन्दा लामो संघीय बन्द (Shutdown) का कारण लाखौं सङ्घीय कर्मचारी अहिले तलब विना काम गरिरहेका छन्।
तलब अभावकै कारण कर्मचारीहरूको कार्यसम्पादनमा असर परेपछि उड्डयन क्षेत्रमा यसले प्रत्यक्ष समस्या उत्पन्न गरेको हो। संघीय उड्डयन प्रशासन (FAA) ले हवाई चाप कम गर्न उडान कटौतीको चरणबद्ध योजना सार्वजनिक गरेको छ।
शुक्रबार: ४ प्रतिशत कटौती
नोभेम्बर ११: ६ प्रतिशत कटौती
नोभेम्बर १३: १३ प्रतिशत कटौती
नोभेम्बर १४: १० प्रतिशत कटौती
एफएएले अन्तर्राष्ट्रिय उडान भने कटौती नहुने स्पष्ट गरेको छ।
